好似冷落左呢個 blog

已經開 sem 一個星期，再加埋前段時間都冇乜再喺個 blog 打野，原因大概都係就我嘅人生，唔係科大就係屋企。所以基本上都冇乜事情可以分享...。我亦大概都會愈黎愈少喺呢個 blog 分享問題，除非對某些問題有另一種見解，從而推出更多有趣嘅 fact。

上個 sem 一科 analysis 都冇，呢個 sem 同上個 sem 最大分別係大部分都係同 analysis 有關。 而且意外自己會走去 take COMP170，我轉性了。

上左兩堂 323，撞到兩個 year 1 sit 323 嘅堂 (自愧當年自己連 topology 有乜 sit 嘅價值都唔知)。為左令到佢地可以有恆心繼續 sit 落去。我決定每星期都贈送一條同 202 進度有關嘅問題。既然教到 differentiation，我就 ``求其" 搵兩條出黎。其實 d 問題大概唔係自己喺 problem book 到抽，就係上 mathxxxxs 搵，我有信心就算自己冇某個 topic，都可以搵到有趣嘅問題黎問 (不過我自己癖好係自己 solve 到先會問人，所以有一兩堂俾唔到問題都唔奇)。

最後，我應該唔會申請人口普查份工。原因係我想嘗試讀完呢個 sem d 野去搵 L 教授做一 d research project。不過我都係要問清楚 d 先，因為我只係隱約記得研究嘅內容同 differential equation 嘅解嘅存在性有關。