見工失敗

前排去左樂善堂余近卿中學面試去做份做八日就賺到五千嘅暑期班，貌似係為考試唔合格嘅學生而設嘅補底班黎 (亦即係我冇乜機會發揮嘅班)。咁好喇我自己又冇乜點見過工，見步行步。去到自我介紹，我講唔夠一分鐘就收口，深知不妙，最終不獲聘收埸。

我估最大原因係我冇乜教學經驗。原因係，首先我係該校校友推薦；其次係請人果位老師係 UST 師姐；再者，我個樣都算平易近人丫...。但間間學校都係以經驗為優先嘅話咁我邊鬼有經驗喎...。同埋我都唔算冇教學經驗，不過對像係班 UG year 1 ...。