某人真係好鬼污糟

話說我地 office 有一個起碼讀左 7 年 PhD 嘅怪人 (人稱包哥)，出哂名污糟邋遢，成日唔沖涼 (貌似最近有人見佢沖...，但有咩用，肯定佢唔係成日洗衫)。

有一次食飯前我地三五成群去 PG office 最近嘅某一個廁所放水，喺果到我地目擊到一單好神奇嘅事：包兄痾完尿之後，竟然會好勤力咁洗手！

事後傾返，原來我地都不約而同地心諗一直錯怪左佢。

但，因為我係最後一個放水嘅關係，我睇到嘅係另一回事！

包兄洗完手之後竟然又再去痾多鑊。因為我地痾嘅尿兜相近，我唔知點解夜神月上身咁一路痾一路忍笑十幾秒。最後佢痾完後立即揚長而去。__ ！原來都係唔洗手果 d __ 街黎。